По повод одбележувањето на 25 години од основачкото собрание на Македонска берза АД Скопје, Берзата иницира одржување на т.н. Инвеститорски ден кој се одржува денес.
Оваа иницијатива ја прифатија и во неа активно се вклучија Централниот депозитар за хартии од вредност (ЦДХВ) и седум членки на Берзата, а истата доби поддршка и од Комисијата за хартии од вредност.
- Бидете дел од програмата на Европската банка за обнова и развој за поддршка на стартап компании со потенцијал за брз раст – Star Venture
- Грижата за децата е клучна за економското закрепнување на жените претприемачи од последиците на Ковид-19
- Препораки за израмнување на теренот за игра за жените претприемачи
Тргување без трошоци
Одржувањето на Инвеститорскиот ден значи дека на тој ден на тргување на Берзата, сите домашни физички лица можат да тргуваат со акции на сите пазарни сегменти без трансакциски трошоци што ги наплатуваат овластените пазарни институции и учесници. Поконкретно, на Инвеститорскиот ден сите домашни физички лица ќе можат да купат или продадат кои било акции без да ги платат провизиите кон Берзата, ЦДХВ и овластените пазарни учесници (банки и брокерски куќи) што се вклучени во оваа иницијатива.
Потребно е да се исполнат следните услови: Инвеститорите да склучат нормални трансакции со акции преку БЕСТ системот, со посредство на некоја од подолу наведените членки на Берзата. Износот на остварениот дневен промет по индивидуален инвеститор да не изнесува повеќе од 10.000 евра, независно од бројот на берзански трансакции преку кои истиот ќе биде остварен. Трансакциите да бидат склучени преку клиентска, односно сопственичка сметка.
Денес, сите домашни физички лица ќе можат да тргуваат со акции на Берзата, без плаќање на трансакциски трошоци, преку следните седум членки на Берзата:
- Инвестброкер
- Комерцијална банка
- НЛБ Банка Скопје
- Стопанска банка Скопје
- ТТК Банка
- Фершпед брокер
- Шпаркасе Банка Македонија
Иницијативата Инвеститорски ден има за цел промовирање на уште поактивно учество на домашните индивидуални инвеститори на македонскиот пазар на хартии од вредност и вложување на населението во акции издадени од домашните компании што се тргуваат на Македонска берза, односно зголемување на знаењето за овие финансиски инструменти и подобрување на инвестициската култура во нашата држава.
Се планира овој настан да стане традиција на македонскиот пазар на хартии од вредност и да продолжи да се организира редовно и во иднина.
Извор: biznisinfo.mk
