Преголемата љубезност на работа може да и` наштети на вашата кариера, за среќа има алтернатива

Еден клиент неодамна ми кажа дека сакал унапредување, но чувствувал дека неговата „љубезност“ била пречка. Се прашуваше дали треба да има построг пристап за да напредува, ама јас не можев веднаш да се сложам со него, пишува Ванеса Ваш, основач и сопственик на On Point Speaking.

НЕ препорачувам да се однесувате силеџиски, да покажувате моќ или да принудувате некој за да напредувате во кариерата. Всушност, некои од најљубезните и најискрените луѓе што сум ги сретнала се глобални лидери на големи компании. Лошотијата не го поплочува патот до врвот. Напротив, нивниот пат нагоре е резултат на тоа што се одлични во нивната работа и што имаат способност да се стекнат со почит од другите.

Можеби си мислите: „Но јас сум добра личност и сакам да сум фин со луѓето“. Тоа е во ред, но би сакала да го свртам вниманието од добивање одобрување преку љубезност кон фактот дека тие се почитувани луѓе.

Во продолжение се три начини како да престанете да бидете „љубезни“ и да се фокусирате на тактиките што ќе ви помогнат не само вам, туку и на сите околу вас.

Престанете да се обидувате да ги терате другите да ве сакаат

Важно е да се истакне разликата помеѓу љубезноста и површна добрина. Љубезноста расте од почитта кон себеси и заслужува почит за возврат. Површната добрина доаѓа од желбата за одобрување, што пак може да резултира со погрешен третман или искористување.

Ако денот го минувате прашувајќи се дали вашите колеги ве сакаат или како да ги натерате да ве сакаат, тогаш трошите скапоцено време. Навистина не е важно дали вашите колеги ве сакаат. Важно е да ве почитуваат и да имате солиден професионален однос со нив.

Премногу често сум видел луѓе како се фиксираат на стекнувањето нечие одобрување наместо да се фокусираат на нивната суштинска работа. Ако го фокусирате вашето внимание на комплетирање на вашите деловни обврски, ќе бидете почитувани од вашите колеги без разлика дали тие навистина ве сакаат или не.

Важно е да имате почит кон вашите колеги, да се трудите да бидете љубезни и секогаш да помагате. Ако премногу се фокусирате на тоа да бидете љубезни и сакани од другите, ќе го постигнете спротивниот ефект. Тогаш односите се сведуваат на ВАС, не на работата што ја работите или на тоа како се однесувате со другите.

Кажете гласно и јасно ако не се согласувате со некого или имате различно мислење

Почесто отколку што се верува, актерите доаѓаат до заклучок дека ако процесот на држење проби премногу се фокусира на идејата дека сите треба да се согласуваат или треба да бидат „љубезни“ и да избегнуваат да згаснат на нечии ножни прсти, тогаш крајната продукција сигурно ќе биде апсолутна катастрофа.

Ако процесот на држење проби е тежок, ако меѓусебно си ги предизвикуваат идеите и водат жестоки дискусии за тоа како секој го замислува крајниот производ, тогаш најверојатно ќе имаат хит претстава.

Истото се применува на која било соработка или проект на кој работите. „ Вработените ,ѕвезди’ се желни да ги предизвикаат и да се конфронтираат со нивните менаџери кога ќе дојде вистинското време и знаат дека се во право,“ во една прилика напиша Кори Мартин.

Ако премногу се обидувате да бидете сакани, најверојатно ќе бидете премногу исплашени да ги споделувате вашите идеи дури и кога знаете дека би можеле да бидат од корист. Во име на вашиот тим, зборувајте гласно и јасно.

Имајте на ум дека вишиот менаџмент не може се` да знае. Неговата работа е да прибира информации и да ги насочува тие што ги раководи кон заедничка цел или исход. Ако знаете дека нешто треба да се преземе, гласно и јасно кажете го вашето мислење. Новите идеи се раѓаат и промените се случуваат кога се изложени конструктивни аргументи.

Престанете се` да сфаќате лично

Секој може да има лош ден и понекогаш тоа значи лошо однесување, како што е излив на бес што вообичаено е упатен на погрешното лице.

На пример, имав клиент чиј налутен шеф му се јавил и му зборувал со лут тон во врска со одлука што тој всушност не ја ни донел, а ниту пак учествувал во нејзиното носење. Со години, тој клиент не можеше да го надмине лошото чувство што му го предизвика тој телефонски повик. Сето време мислеше дека шефот го мрази, а во суштина, шефот само сакал да ги вентилира сопствените емоции (како на боксерска вреќа).

Овој еден инцидент, кај мојот клиент предизвика мизерија на работа која траеше со години, додека истовремено тој се обидуваше да го натера шефот пак да го сака. Кога мојот клиент конечно собра храброст да зборува за ова со него, шефот воопшто не се ни сеќавал на повикот.

Не можете да ги контролирате емоциите на другите луѓе, но можете да ја контролирате вашата реакција на нив. Ако некој покажува лошо однесување и знаете дека греши, оставете го. Не го сфаќајте тоа лично. И, ако едноставно не можете да се ослободите од тоа чувство, тогаш пристапете му на тоа лице со вашиот проблем што побрзо откако ќе помине бурата на емоции.

Најголемата лекција е тоа дека дури и некој да се „истури“ на вас, тоа не мора да значи дека тоа лице не ве сака. А секако не вреди да трошите од вашето време на проценка на нивните чувства за вас според тоа како вие ги гледате нештата.

Она што е важно е да ве почитуваат поради работата што ја работите и истото да го правите и вие. Ако се чувствувате дека постојано не добивате заслужена почит, тогаш вреди да го започнете тој разговор.

Љубезноста значи дека се чувате себеси и постојано се обидувате да ги задоволите другите. Ако сте добри, ако работите професионално и ги почитувате другите, не само што ќе бидете ценети туку и почитувани.

Извор: Fast Company

поврзани статии

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде

прочитај повеќе

- Advertisment -