Над 15% пад на индустриското производство во месец јуни

Индустриското производство во јуни оваа година, во однос на истиот период лани, е намалено за 15,1%, покажуваат податоците на Државниот завод за статистика.

Гледано по сектори, индустриското производство во секторот рударство и вадење на камен во јуни 2020 година, во однос на јуни 2019 година, бележи опаѓање од 12,5%, секторот на преработувачка индустрија бележи опаѓање од 14,6%, а во секторот  снабдување со електрична енергија, гас, пареа и климатизација има пад од 22%.

Значителен број оддели во преработувачката индустрија соочени со пад

Намалувањето во секторот на преработувачка индустрија е резултат, пред сѐ, на намаленото производство во следните оддели: производство на тутунски производи, производство на текстил, производство на облека, производство на неметални минерални производи, производство на метали, производство на фабрикувани метални производи, освен машини и опрема, производство на електрична опрема, производство на машини и уреди, неспоменати на друго место и производство на моторни возила, приколки и полуприколки.

Според главните индустриски групи, производството во јуни 2020 година, во однос на јуни 2019 година, бележи опаѓање кај енергетскиот сектор за 24%, интермедијарни производи, освен енергија за 10,7%, капитални производи за 22,5%, трајни производи за широка потрошувачка за 41,5% и нетрајни производи за широка потрошувачка за 8,2%.

Индустриското производство во периодот јануари ‒ јуни 2020 година, во однос на истиот период лани, е намалено за 14,6%.

поврзани статии

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде

прочитај повеќе

За успешен стартап бизнис, размислувајте како научник

Секој пат кога претприемачите или иноваторите добиваат идеја, вообичаено се прашуваат: „што можам да создадам за да ја тестирам идејата?“. Но би...
- Advertisment -