Тим од научници од технолошкиот Универзитет во Литванија дизајнираа појас што спасува детски животи при евентуално давење во вода. Buddy Life-Collar, којшто тежи 120 грама, се става на врат и воопшто не му пречи на детето додека си игра.
Во случај вградениот сензор да детектира влажност, автоматски се активираат четири воздушни перничиња коишто ја држат главата на детето над водата и со тоа превенираат давење.
Воздушните перничиња се активираат во рок од три секунди што е доволно за да се спречи давење, а не толку брзо за да предизвикаат несакани повреди. Штом детето е надвор од опасност појасот се вади лесно.
Прототипот неколку години чекаше на пуштање во комерцијална употреба и сега тоа е овозможено од страна на спин-оф компанијата Smartmedic.
Погоден е за деца од една до четири години.
Фото: Kaunas University of Technology
