5 начини како да се справите со новиот колега, т.е. партнер

За голем број парови, значителен дел од времето во текот на неделата се поминуваше одвоено, кога едниот и другиот одеа на работа. Но, сега кога толку многу луѓе работат од дома, партнерите имаат можност да си ѕирнат во работниот живот на другиот, пишува CNN.

Поврзано:

Можеби се чувствувате удобно кога работите рамо до рамо со вашите колеги, но кога треба да направите деловен повик додека вашиот партнер е веднаш до вас, се чувствувате како да треба да се повлечете.

„Ова е лицето со кого сте најинтимни на целиот свет и одеднаш сфаќате дека постои цел дел од нивниот живот за кој знаете многу малку,“ вели Џенифер Петриљиери, автор на книгата „Парови кои работат: Како парови со дуални кариери можат да напредуваат во љубовта и работата“ и професор на економскиот факултет INSEAD.

Во продолжение се неколку начини како да направите да спласне тензијата.

1. Справете се со непријатното чувство во домот

Едно нешто е да знаете што работи вашиот партнер, но кога го гледате како го прави тоа, е нешто сосема друго.

„Ние сме принудени на интимност, не само со сопружниците, туку и со децата и со кој и да е друг кој е во домот,“ вели Карен Бридборд, психолог и консултат за организација на работното место во Њујорк.

Првиот чекор како да направите оваа новосоздадена работна ситуација да функционира е да разговарате за тоа. Зборувајте за какви било несигурности што можеби ги чувствувате, без разлика дали е тоа учество во видео состанок или сте прислушкувани случајно дома, но разговарајте и за она што ви е потребно во поглед на работната средина. Потоа направете распоред и поставете граници кога станува збор за разделување на професионалниот од приватниот живот.

„Водете поопшти разговори за она што ве загрижува во поглед на работата, можеби е тоа кога вашиот партнер ве гледа како работите, или зошто се грижите баш за тие работи,“ објаснува Петриљиери.

Кога вашите грижи ги правите дел од поопштите разговори, имате поголеми шанси да предизвикате емпатија кај вашиот партнер, што пак ќе ви помогне да ги договорите границите, додава таа.

Ако врската искусувала проблеми и претходно, работењето во затворени простории во стресни услови најверојатно ќе ги зголемите тие проблеми.

„Проблемите ќе се појават како меуричиња на вода што врие на различни начини,“ посочува Бридборд. „Кога сè ве иритира во врска со таа личност, тогаш морате да погледнете во себе и да видите што го предизвикува тоа.“

2. Дозволете да дознае повеќе за вашата работа

Понекогаш, нашите партнери ги слушаат само лошите работи во врска со работата: шефот кој сака да микро-менаџира, колегата кој сака гласно да зборува, или невозможните рокови.

Но кога како сега сме приморани да работиме од истата канцеларија, тоа може да ни помогне да ги промениме перцепциите и дури да им помогнеме на партнерите и децата подобро да разберат што работиме по цел ден. И тоа не е нешто лошо.

Направете ја вашата работа дел од дневниот разговор со тоа што ќе зборувате за она на што работите во моментот, зошто е тоа важно за вас, предлага Петриљиери. И, ако можете, зборувајте за тоа како вашата работа се поврзува со или се сменила поради пандемијата.

„Кога сите ги разбираат приоритетите… и зошти се тие важни и кон што тие придонесуваат, шансите да ги почитуваме границите се поголеми, и да го цениме работниот простор еден на друг за потоа да можеме заедничкото време да го искористиме на најдобар можен начин.“

Пристапот до внатрешниот живот на партнерот може да ви помогне да ги оправдате тие долги непроспиени ноќи поради работата или пропуштените животни моменти, во иднина, кога ќе се вратиме на вообичаениот работен ден во канцеларија и одвоените кариери.

3. Користете менаџерски стратегии 

Справете се со ситуацијата како што би се справиле со кој и да е предизвик во канцеларија: организирајте се, комуницирајте и делегирајте.

„Користените деловни принципи применете ги на вашиот живот дома, веднаш,“ Бридборд предлага. „Нашите заеднички животи се, во основа, бизнис во кој многу работи се случуваат одеднаш,“ додава таа.

Ова значи дефинирање на секоја обврска што треба да се исполни, вклучувајќи и нега за децата, чистење и готвење, и потоа делегирање.

Одржување дневни состаноци со цел планирање или проценување на задачите во текот на денот, или документирање на сите обврски, можат да ви помогнат да ја држите ситуацијата под контрола.

„Ваквите системи ни дозволуваат да се фокусираме и планираме – и ни помага во споделувањето на когнитивниот товар,“ објаснува таа.

4. Одбегнувајте да се однесувате како колеги

Можеби сте во процес на учење во кој дознавате дека вашиот партнер е љубител на сите можни канцелариски стереотипи или дека одржува премногу состаноци, но најдобро е ова да си го чувате за себе.

Дури и да верувате дека имате најдобри намери, не нудете никаква непосакувана повратна информација кога станува збор за работниот стил на вашиот партнер.

И не правете грешка да го гледате жалењето како прилика за критикување.

„Дури и партнерот да се жали на работата, тоа не треба да го гледате како покана или прилика да критикувате,“ вели Антони Чејмберс, психолог за семејна терапија и парови и продекан за настава на Семејниот институт при универзитетот Нортвестерн. „Дозволете им да се издуваат и да бидат слушнати.“

5. Не се придржувајте до принципот „јас вака – ти така“

Сегашните работни услови не се идеални за многу луѓе – особено ако се справувате со деца и друг вид обврски што се однесуваат на обезбедување грижа. Сите можеме да се почувствуваме преплавени и изморени, но трудете се да не водите список за тоа кој што сработил по дома, и чија работа е поитна.

Тоа што покажувате натпреварувачки дух обично е знак на некој подлабок проблем. „Чувствата на натпревар можат да се појават кога луѓето чувствуваат дека не се дел од истиот тим и постои нула/сумирано искуство во врската,“ вели Бридбод. „И тие не се поддржуваат емоционално или прагматично на дневна основа.“

поврзани статии

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде

прочитај повеќе

Недоволно ценет лидерски стил со 3 огромни предности

Кои од овие лидери сметате дека има поголемо влијание во неговиот тим? Лидер А: Џон единствено има фокус на поставените цели. Тој исто така има репутација...
- Advertisment -