Што клиентите навистина сакаат од вашиот бренд и како да го испорачате тоа

Привлекувањето и задржувањето на вниманието на клиентот може да преставува вистински предизвик за компаниите во денешните пазари со голем број конкуренти.

Претворањето на љубопитноста во чин на купување често пати се придава на искуството на клиентот, што овие денови значи речиси се`. Студија спроведена од Salesforce покажува дека 80% од консументите во САД исто толку се грижат за искуството што една компанија им го овозможува, колку што се грижат за нејзините производи или услуги. Друга студија спроведена од PWC  посочува дека искуството на клиентите кај 54% од компаниите треба да се подобри, пишува Ден Данкин експерт за односи со јавност и новинарство, кој пишува за разни медиуми, вклучително и Форбс.

„Денес пејзажот на купувачот е пософистициран, а консументите имаат голем број дигитални ресурси да истражуваат и да даваат повратни информации во нивните дигитални заедници,“ вели Џеф Педовиц, претседател и извршен директор на The Pedowitz Group, автор на „Инка: нов начин да ги ангажирате клиентите и да ги растете приходите“. „Оттука, важно е за компаниите да направат приоритет од секоја поента во нивната порака“.

„Ако го сторат тоа, можат да го оптимизираат искуството на клиентите. Одличното корисничко искуство води до лојалност кон брендот. Маркетерите поминуваат многу време и креативност во креирање програми за лојалност, а истовремено влијаат на новите клиенти да создадат лојален однос, соочени со интензивна конкуренција од другите играчи“.

Педовиц нуди пет совети како брендовите да го подобрат искуството на нивните клиенти во процесот на создавање лојалност кон брендот.

Лесна достава

Погодностите се клучни кога станува збор да направите среќен зафатен клиент во денешниот брз свет исполнет со многу избори. Педовиц вели дека ако купувачкиот процес е полесен, тогаш тоа го подобрува корисничкото искуство. „Покажувате почит кон нивните временски ограничувања и ги правите да се чувствуваат ценети,“ вели тој. „Клиентите нема да го заборават тоа. Ефикасниот процес за пристапување со автомобил кај сендвичарите Chick-fil-A е еден пример, друг пример е апликацијата на Starbuck што ви овозможува да направите нарачка на вашиот пијалак или храна и да купите други производи. Тие исто така знаат што вие претпочитате“.

Изненадете го клиентот

Правењето мали услуги за клиентите што тие не ги очекуваат ја засилува врската на компанијата со нив. „Испратете им подарок, дајте им надградба на пакетот што го користат, или направете нешто што покажува дека вашето внимание и грижа се чекор плус во овозможувањето позитивно корисничко искуство,“ посочува Педовиц. „Исто така, контактирајте го клиентот кога не очекува, само кажете здраво и проверете како е“.

Создадете конзистентност преку доверба

„Ова е огромен фактор во поглед на лојалноста кон брендот,“ објаснува Педовиц. „Дали клиентот може да смета на вашиот производ и/или услуга за да го испорача истиот квалитет секој пат кога купувате?“

Предвидете ги нивните потреби

Искрен фокус на потребите на клиентите води кон проактивна грижа за клиентите што уште повеќе ги врзува за компанијата, вели Педовиц. „Тоа е златна лојалност,“ продолжува тој. „Сте посветиле време да ги запознаете и тоа што тие претпочитаат и тие знаат дека ќе се грижите за нив“.

Кога работите одат наопаку, третирајте ги клиентите со добрина

Компанија може да создаде лојалност кај клиентите откако ќе се најде на работ да ги изгуби. Педовиц вели дека компанијата се превиткува нанапред и наназад за да ги исправи нештата и создаде уште посилна врска со клиентот.

„Најдобрите брендови ќе можат да ги одржуваат нивните клиенти среќни и да ги претворат во амбасадори на брендот со тоа што ќе ги третираат како непроценлив капитал за нивниот успех,“ посочува Педовиц. „Се` почнува и продолжува на долг рок со сите одлики на одличното корисничко искуство“.

Извор: PR Daily

поврзани статии

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде

прочитај повеќе

Недоволно ценет лидерски стил со 3 огромни предности

Кои од овие лидери сметате дека има поголемо влијание во неговиот тим? Лидер А: Џон единствено има фокус на поставените цели. Тој исто така има репутација...
- Advertisment -