Што ги прави клиентите вредни за вашиот бизнис?

Секој претприемач знае дека клиентите се важни. Без клиенти, нема да имате бизнис. Тие се покровителите кои ги купуваат вашите производи и услуги, и и` обезбедуваат приходи на вашата компанија за да можете да услужите и други клиенти; тие се најголемата алка во ланецот, смета Тимоти Картер директор во агенцијата за дигитален маркетинг со седиште во Сиетл, САД – SEO.co.

Природно, повеќето претприемачи силно се фокусираат на тоа што можат да го направат за да имаат вредност во очите на клиентите. Сакаат да ги подобрат нивните производи, да ги подобрат нивните услуги, па дури и да ги услужат клиентите на поефикасен начин преку обезбедување подобрени услуги за муштериите и надградени продажни договори.

Но што станува со другиот дел од равенката? Што е тоа што конкретно ги прави клиентите вредни за вашата компанија? И како можете да ја зголемите таа вредност?

Вредност на животниот век на клиентот

Повеќето компании се обидуваат да проектираат доживотна вредност што клиентот може да ја донесе со објективна метрика наречена „животна вредност на клиентот“ или нешто слично. Општо земено, оваа равенка се обидува да процени колку пари еден клиент ќе потроши во рамки на вашата компанија, земајќи предвид колку долго ќе ги купува вашите производи и колку производи ќе купи.

Секако дека секој клиент е различен, но вредноста на животниот век на клиентот се обидува да се приближи до просечниот корисник.

Постојат повеќе фактори што треба да се земат предвид во равенката – и голем број начини за максимизирање на вашата ефективност.

Куповини

Прво, треба да размислите за куповините што клиентот ги прави. По дефиниција, клиентот барем еднаш ќе купи од вашиот бизнис, но има неколку варијабли што можете да ги подобрите во овој аспект.

Вредност: Повредните клиенти ќе купуваат повеќе. Во зависност од вашиот бизнис, тоа може да значи купување повеќе производи со секоја нарачка или поголем пакет услуги. Можете да ја зголемите вредноста на клиентот со зголемување на вредноста на секоја трансакција. На пример, можете да поттикнете продажба на надградени производи или услуги или да понудите збирни попусти. Секако, ова има ограничен поврат бидејќи барем еден од клиентите ќе има ограничен буџет.

Честота: Колку често вашите клиенти купуваат од вас? Дали нудите доживотна гаранција за секој клиент да купи само еднаш? Можете ли да понудите услуга со претплата за да можат клиентите да плаќаат за вашите услуги на месечна основа?

Редовност: Колку постојано вашите клиенти купуваат од вас? Ако во просек купуваат 12 пати годишно, дали тие куповини се рамномерно распоредени во текот на годината, еднаш месечно или како? Или, дали наеднаш купуваат повеќе производи или услуги? За многу бизниси, постојан, рамномерен тек на приходи е попосакуван отколку сезонски нарачки.

Лојалност

Лојалноста на клиентите е исто така важна. Можеби имате клиент кој е желен да купи големи количини од вашиот производ – но што се случува кога ќе си заминат по еден месец за да купуваат од вашите конкуренти? Токму затоа задржувањето на клиентите е ценета ставка меѓу успешните бизниси; поттикнувањето на лојалноста на вашите клиенти со програми за лојалност, попусти и други стимуланси можат да ве осигураат дека вашите најдобри клиенти ќе ви бидат лојални што подолго. Добрите производи, солидните услуги за клиентите и тековната поддршка исто така можат да помогнат.

Референци и проповедање на брендот

Некои од вашите клиенти се способни да прават добро за вашиот бизнис и покрај нивните традиционални куповни навики. Ако доволно силно им се допаѓа вашиот бренд, тие ќе го проповедаат пред други. Во некои случаи, ова се сведува на шака препораки на пријатели и членови на семејството. Во други случаи, проповедниците на вашиот бренд во основа ќе прават реклама во ваше име, ќе се фалат со вашите производи и ќе се ангажираат со вашиот бренд на социјалните медиуми.

Можете да го поттикнете ова со тоа што ќе ги изненадите вашите најлојални клиенти со дополнителни награди и со одржување на прилично активна стратегија на социјалните медиуми. Но, голем дел од овие процеси се случуваат како нус-производ на исклучителноста на вашата компанија.

Трошоци за стекнување нови клиенти

Вредноста иста така може да се сфати и како разликата помеѓу приходите од вашите клиенти и цената за нивно стекнување. Соодветно, корисно е да ја пресметате цената за стекнување нови клиенти кога ги имплементирате овие равенки. Ако можете да ја намалите цената за стекнување нови клиенти додека истовремено ја одржувате висока вкупната вредност на клиентот, ќе видите значајни приходи.

Максимизирање на вредноста на клиентот

Па какви чекори можете да преземете за да ја максимизирате вредноста на вашите просечни клиенти?

Истражувајте го вашиот целен пазар: Вистински запознајте ги вашите клиенти. Дали е поважно за нив да добијат висок квалитет или ниска цена? Што би ги натерало да останат лојални на една компанија во споредба со понудата на конкуренцијата?

Анализирајте ги вашите стратегии: Програмите за лојалност, одличната поддршка и услуги за вашите клиенти и попустите можат да ја подобрат вредност на вашите клиенти – но не сите стратегии се еднакви. Анализирајте ги можностите пред и по нивното користење.

Експериментирајте и прилагодете се: Продолжете да се обидувате со нови нешта и видете како просечниот клиент ги цени тие промени; задржете ги тактиките што најдобро функционираат и отфрлете ги неефикасните.

Кога ќе имате воспоставено подобрена стратегија за вредноста на клиентот, ќе бидете во можност подобро да ги услужите вашите клиенти и истовремено да генерирате повеќе приходи. Не станува збор секогаш за праволиниски процес, но кога податоците ја поддржуваат вашата одлука, и малку креативност, ќе можете да создадете стратегија што е многу понасонечна во корист на вашиот бизнис.

Извор: Entrepreneur

поврзани статии

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде

прочитај повеќе

Недоволно ценет лидерски стил со 3 огромни предности

Кои од овие лидери сметате дека има поголемо влијание во неговиот тим? Лидер А: Џон единствено има фокус на поставените цели. Тој исто така има репутација...
- Advertisment -