Одлуката за задолжителен двонеделен карантин за сите лица кои пристигнуваат од Србија, Босна и Херцеговина, Северна Македонија и Косово ќе се разгледува во следните неколку дена, најави министерот за внатрешни работи на Хрватска, Давор Божиновиќ, пренесува Радио Слободна Европа.
- Кои се новите правила на македонските аеродроми
- Каков е планот на Грција за привлекување туристи ова лето
- Еве како Португалија планира безбедно да ги отвори хотелите и рестораните
Но, претставниците на туристичкиот сектор во Хрватска се свесни дека задолжителниот карантин за горенавадените земји од Балканот ќе предизвика штета, но се потпираат на изјавата на хрватскиот премиер, Андреј Пленковиќ, дека таа мерка ќе биде краткотрајна.
„Внимавајте, тоа ќе се менува од ден во ден. Не само со Босна и Херцеговина, туку можеби и со некоја друга држава. Така што, она што вчера сте ме прашале не значи дека утре нема да биде поинаку,“ изјави министерот за туризам, Гари Капели.
Во меѓувреме, додека расте бројот на туристи на хрвтското крајбрежје, од кои ниту еден не е заразен со коронавирус, расте и бројот на заразени лица во државата.
Во изминатите 24 часа, во Хрватска биле регистрирани 56 нови случаи, што е значително помалку од еден ден претходно, кога бројот на заразени лица стоеше на 95, соопштува Државниот штаб за цивилна заштита.
