Доколку карантинскиот период го искористивте креативно за развој на вашата бизнис идеја или стартап, и сте подготвени да побарате финансиски средства за развој на вашиот бизнис, ЦЕЕД Клуб на бизнис ангели Ве повикува на онлајн пичинг сесија на 29.06.2020 год.
Сите заинтересирани лица, од која било индустрија, а кои имаат основано компанија или разработена бизнис идеја за кои им се потребни финансиски средства, може да се пријават за пичинг сесијата може да се пријават на следниот линк, или на емаил: [email protected], најдоцна до 25.06.2020 год.
Регистрацијата е бесплатна.
- Македонија: Објавен јавен повик за зајакнување на конкурентноста на домашните компании во пост Ковид периодот
- Прашања што менаџерите за продажба треба да ги поставуваат во моментов
Од пристигнатите апликации ќе биде направена селекција. Селектираните кандидати ќе имаат можност да ги презентираат своите бизниси и бизнис идеи онлајн, пред бизнис ангелите на 29.06.2020 год. Доколку се оцени дека се пристигнати повеќе добри идеи, учесниците во пичинг сесијата ќе бидат повикани да презентираат во друг термин, кој ќе биде дополнително утврден.
За повеќе информации во врска со пријавувањето обратете се на [email protected] или на телефонскиот број: 076 496 616.
*CEED Macedonia Business Angels Club (CEED BA Club) е формиран во ноември 2013 година и е меѓу првите од ваков вид во Северна Македонија. Од јануари 2016 година, клубот е официјално членка на Еврoпската мрежа на бизнис ангели – EBAN (European Business Angel Network). Досега во различни бизнис идеи се инвестирани 250.000 евра.
