Фото: Royal Mint
Жена е конечно на чело на британската компанија Royal Mint по долги 1.100 години. Новата извршна директорка е Ана Џесоп, која има работено таму речиси една деценија, јавува CNN.
Работата, којашто некогаш ја раководеше Исак Њутн, се состои од управување со 900 вработени и производство на повеќе од 90 милиони монети неделно.
“Можеби се чекаше повеќе од 1.000 години, но Royal Mint сега е конечно предводена од жена и јас сум сигурен дека Ана ќе направи одлична работа”, изјави Роберт Јенрик, официјален претставник во Министерството за финансии на Британија.
Прва задача на Џесоп ќе биде да го надгледува воведувањето на новата монета од 50 пени, специјален дизајн што ја одбележува 100-годишнината од добивањето на правото на глас на жените во Британија.