Европската банка за обнова и развој (ЕБОР) и Европската Унија ја зголемуваат поддршката за малите и средни претпријатија од Западен Балкан, со дополнително финансирање, по појавувањето на пандемијата на Ковид-19.
- Околу 60 претставници од туристичкиот и угостителскиот сектор во земјава следат програма за јакнење на нивните менаџерски капацитети
- ЕУ поддршка за македонските мали и средни компании преку поттикнување на иновациите и технолошкиот развој
- Македонија: финансиска поддршка од 20 милиони евра за зајакнување на конкурентноста на домашниот приватен сектор
Банката ќе обезбеди до 70 милиони евра нови кредитни линии за партнерските финансиски институции, со цел натамошно кредитирање на локалните бизниси во Албанија, Босна и Херцеговина, Косово, Црна Гора, Северна Македонија и Србија. ЕУ ги дополнува овие средства со 15 милиони евра кои се наменети за идентификување на најдобрата достапна опрема и технологија, со цел да обезбеди зголемување на конкурентноста на овој вид претпријатија и поддршка на транзицијата кон зелена економија.
Земјите од Западен Балкан одговорија на пандемијата на коронавирусот со строги мерки во јавното здравство, кои пак имаа големо влијание врз економијата. Овие земји страдаат и од глобален економски пад и намалена побарувачка на нивните производи.
ЕБОР и ЕУ, преку Тимот Европа, ги поддржува малите и средни компании во нивната амбиција да станат поконкурентни и да пронајдат иновативни решенија за справување со новите предизвици.
Средствата ќе им обезбедат услови на виталните бизниси да продолжат да имаат соодветен пристап до финансии, да ги задоволат високите стандарди на производите и да бидат добро позиционирани за да ги искористат понудените можностите за извоз во регионот и на европските пазари.