Пред да ги вклучите клиентите во вашиот стартап процес треба да земете неколку работи предвид

Повеќето совети за амбициозните претприемачи овие денови се повикуваат на идејата дека треба да излезат од канцеларија и да зборуваат со потенцијалните клиенти или муштерии. Без разлика дали посетуваат програма за креативно размислување за развој на бизнис, програма за отпорност на бизнисот, иновирање или слични акцелераторски програми, аргументот е дека единствениот начин да дознаете дали создавате нешто за коешто луѓето би платиле пари е со нивно испрашување. Има смисла, нели? Да, и не, сугерира Скот Њуберт директор на програмата за претприемништво на терен при колеџот Барух.

Поборниците на идејата дека треба да се вклучат клиентите рано во процесот на развивање бизнис се во право кога тврдат дека само клиентот знае што тој/таа навистина сака, така што пристапот кон него/неа се чини дека е работа што се подразбира. Секако, не целото тоа знаење е подготвено да биде комуницирано, бидејќи дел од него често пати се крие во нашата потсвест. Како такви, секој од гореспоменатите пристапи обезбедуваат корисни средства со кои претприемачите можат да откријат што сакаат нивните клиенти. На овој начин, вклученоста на клиентите го намалува ризикот во процесот на развивање производ.

Додека секоја од овие методологии е во право во врска со вредноста на вклучувањето на клиентот во процесот, тие општо земено не се свесни дека постојат одредени ризици што можат да предизвикаат неуспех кај стартап компаниите, дури и да го има развиено, или да се на прагот да го развијат следниот голем успешен производ. Во продолжение ги изложувам најголемите ризици и обезбедувам корисни начини како да се балансираат трошоците и придобивките од вклучувањето на клиентите во процесот, продолжува Њуберт.

Колку долго траат вашите ресурси?

Двата ресурси што се основни кај секоја стартап компанија се знаењето и парите. Но двата се во ризик кога ги вклучувате клиентите. Прво, секој пат кога ги вклучувате клиентите во развојот на производот ризикувате да изгубите ексклузивно сопствеништво на тоа знаење. Да, можете да имате договори со вашите клиенти за не-оддавање информации, но тие тешко се спроведуваат. Така што, размислите каква е сопственоста на знаењето што е во основа на вашиот производ пред да почнете да вклучувате луѓе од надвор.

Второ, вклучувањето клиенти во процесот одзема време, а времето е пари. Така што, пред да се впуштите во голема иницијатива за вклучување на клиентите, размислете колку пари имате на располагање, колкава е стапката на трошење на тие пари и дали имате осигурано последователни инвестиции во иднина. Ако имате пари на располагање, тогаш слободно имплементирајте ја иницијативата, но ако паричните средства ви се ограничени, тогаш намалете ги напорите за инволвирање клиенти во процесот.

Како изгледа конкурентскиот пејзаж?

Во повеќето лукративни можности, тешко е веројатно дека ќе бидете единствениот кој сака да ги искористи истите. Во повеќето случаи, ако не и во сите, неколку стартап компании ќе ја бркаат истата златна гуска. Секако дека не сакате да настапите на пазарот со лошо решение за некој проблем, но решение кое е „доволно добро“, засновано на брзо, ограничено знаење добиено од клиентите може да ви овозможи да ја намалите конкуренцијата и да создадете простор за вашиот производ да ја подобрите вашата понуда, можеби со втора рунда вклучување на клиентите.

Како еволуира побарувачката од клиентите?

Можности постојано се појавуваат, но и исчезнуваат поради различни фактори, но најважен од нив е побарувачката од клиентите. Иако често пати таа е тешка да се предвиди, запрашајте се себеси дали побарувачката се зголемува или намалува и со која стапка. Со дознавање на овие податоци, можете да претпоставите дека побарувачката е на пат да се зголеми и дека времето е од најголема важност, што значи дека можете да се обврзете само на брз процес на вклучување на клиентите во развојот на производот, без да го изоставите експоненцијалниот развој што следи. Од друга страна, можеби верувате дека значаен раст на пазарот е далеку од вас, што пак ви овозможува да добиете повеќе време за интеракција со клиентите и подобрување на вашиот производ.

Колку е радикален производот што го развивате?

Ова можеби ќе звучи како богохулење, но за повеќето производи, вклучувањето на клиентите и не е толку неопходно. Да, има области каде можат да се направат подобрувања, но прилично знаеме што луѓето сакаат кога станува збор за повеќето типични производи и услуги. Така што, ако вашата стартап компанија е фокусирана на производство на хардвер производи или обезбедување сметководствени услуги, повратот од вклучувањето на клиентите може да биде премногу низок за да се прави таа инвестиција на средства и ресурси. Но, ако од друга страна развивате радикален, технолошки интензивен производ за кој не постојат примери од кои можете да почнете да ги предвидувате и процените желбите на клиентите, тогаш повратот на таа инвестиција има повеќе смисла.

Информирана одлука

На крај, претприемачите не треба со леснотија да ја сфатат одлуката дали ќе излезат на терен и ќе зборуваат со клиентите. Иако овие денови е во мода, и поради добра причина, ризиците што овој пристап им ги наметнува на стартапите не треба да бидат потценети. Оттука, пред да се обврзаат да го спроведат процесот, претприемачите ќе имаат огромна корист ако претходно ги анализираат нивните ресурси, конкурентскиот пејзаж, побарувачката кај клиентите и иновативноста во нивниот производ. Одлуката е тешка, и претприемачите сепак можат да погрешат (последица што ќе ја откријат само откако ќе ја направат грешката), но барем ќе влезат во тие иницијативи добро информирани.

Извор: Entrepreneur

поврзани статии

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде

прочитај повеќе

Стартап компаниите треба да научат да лобираат

Стартап фирми се` повеќе заглавуваат во некои строго регулирани индустрии, и крајно време е да почнат да ги сфаќаат тие одредби сериозно....
- Advertisment -