Клучни вредности што вашиот план за кризна комуникација треба да ги содржи

Постои општо верување дека работата и личниот живот не треба да се мешаат, но во време на криза, и во време на справување со криза, бизнисите треба да станат полични. Елисет Карлсон, основач на SMACK! Media и соработник на порталот Entrepreneur, го искова треминот „врски со јавноста“ (“public relation(ship)s”) бидјеќи отсекогаш верувала во врски, и изградила успешен бизнис со помош на врските – личните, вистинските и особено оние во кои се грижиме за луѓето со кои работиме и се опкружуваме. Основата е да ги третирате луѓето како човечки битија, не трансакции, вели таа.

Поврзано:

Многумина во овој период веруваат дека она што компаниите ќе го направат за нивните колеги и клиенти во следните три недели, ќе поттикне голем дел од нашиот личен развој и успех во следните три години. Голем дел од многу различни бизниси се одвиваат преку комуникација, односи со јавноста и создавање пораки и позиционирање на брендови и луѓе. Сега е времето кога треба да го искористиме нашиот човечки тон и емоција. Ова можеме да го оствариме ако ги водиме нашите планови за деловна комуникација, внатре во компанијата, и надвор со клиентите, со три клучни вредности: емпатија, јаснотија и услуга.

Емпатија

Емпатијата е различна од симпатијата. Во едно интервју, Кери Боб, претседател на Carrie Bobb & Co, истакна: „За време на особено тешки ситуации или на сред справување со криза, од критична важност е да имаме емпатија. Не само да изразуваме емпатија, туку вистински да ја поседуваме. Има разлика. Често, во големи корпорации, има толку многу луѓе кои се вклучени во самото испраќање пораки што суштината може да се изгуби во преводот. Вработените сакаат да бидат слушнати и разбрани, и тие можат да направат разлика помеѓу менаџер кој ја искажува пораката што компанијата сака да ја пренесе и менаџер кој вистински изразува грижа за поединецот.“

Ова е време во кое треба да ја користиме човечноста, да водиме со срце. Ова можете да го постигнете ако се ставите на местото на другите и ја почувствувате нивната болка, за да можете подобро да им помогнете. На пример, ако колега или вработен се чувствува осамено и уплашено, можете да им помогнете да се почувствуваат повеќе поврзани од човечка гледна точка, ако договарате активности како што се виртуелни социјални паузи за ручек преку некоја од платфомите за телекомуникација.

кризна комуникација

Јаснотија

Лицата вклучени во работата и вработените бараат јаснотија. Како можеме да најдеме јаснотија во ова време кога немаме конкретна идеја што може да дојде, или колку долго ќе трае карантинот? Одржувајте го разговорот со вработените и клиентите и бидете што појасни можете. Ова не е време за продажба пред вашите клиенти, напротив, ова е време да се сконцентрирате на она што е важно. Jet Blue беше една од првите компании во авионската индустрија која изјави дека ќе се откаже од наплаќање какви вило придонеси поради откажувањето на летовите или настанатите промени, и тоа го направи со помош на видео запис што ја поддржа комуникацијата што ја имаат воспоставено со нивните клиенти на нивниот блог. Whole Foods Market исто така постојано ја надградува нивната комуникација за тоа како ги поддржуваат членовите на нивните тимови со 2 долари на саат дополнителен хонорар, и како ги отворија нивните продавници рано наутро за да можат лицата постари од 60 години да пазарат тогаш. Ако го комуницирате вашиот план што појасно, брзо ќе научите што е најважно. Истиот овој пристап ќе има уште поголема вредност кога ќе почнеме со подготовките за враќање назад во она што го сметавме за „нормала“.

Услуга

Сега не е време да се фокусирате на привлекување внимание, туку е време да помогнете. Како и во случајот со емпатијата, една работа е да помогнете, но друга работа е тоа вистински да го направите. Физички не можеме да бидеме заедно поради социјалната изолација, но токму ова е времето во кое сме си најпотребни едни на други. Како лидер на тим, барајте начини да им помогнете на вашите колеги колку што можете повеќе. Бидете флексибилни во однос на нивните работни часови, понудете им можности за релаксација што повеќе можете и не им стојте над глава (покажете емпатија) ако се справуваат со некаква потешка ситуација во животот. Ако вашата компанија ги има средствата, тогаш вратете им назад на вашите клиенти. Еден пример е она што Pro Compression го прави со донирање на шарени и весели медицински чорапи за сестрите и медицинскиот персонал кои работат во првите борбени редови со коронавирусот, иако повеќето им се веќе муштерии. На своите вработени, Starbucks им нуди бесплатни терапевтски сесии, додека пак извршните директори на компании како Marriott или Delta се откажуваат од сопствените плати. Без разлика дали станува збор за мал или голем бизнис, најдете го најсоодветниот начин на кој ќе можете да вратите назад.

Сигурно до сега сте виделе или прочитале дека во ова сме сите заедно, и дека не е лесно. Но ајде да дадеме сè од себе и да ја пребродиме ситуацијата со тоа што ќе ги охрабруваме другите со емпатија, јаснотија и услуга. Како лидери, можеме да станеме катализатори на промената за да можеме да ги унапредиме нашите семејства, тимови и во крајна линија, нашата заедница.

поврзани статии

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде

прочитај повеќе

Недоволно ценет лидерски стил со 3 огромни предности

Кои од овие лидери сметате дека има поголемо влијание во неговиот тим? Лидер А: Џон единствено има фокус на поставените цели. Тој исто така има репутација...
- Advertisment -