Неколку мали нешта што ќе ви го направат новиот почеток подобар.
Реорганизирајте го работниот и домашниот простор
Помислете на нови предизвици и нови можности и така ќе добиете расположение за промена. Започнете со работниот простор (колку што е возможно) преместете некои работи, направете мала реорганизација. Истото сторете го и дома, со мала креативност ќе добиете поголема мотивација. Новиот изглед на просторот ќе ви даде свежина и елан за следните предизвици.
Дозволете си уживање
Наградете се со нешто што одамна го посакувавте. Понекогаш не е лошо малку да се “разгалиме“ себе си. Без разлика дали се работи за промена на фризура, ново парче облека, накит, посета на некое место… направете го тоа. Започнете ја годината опуштено и задоволно.
Повеќе време за најблиските
Ветете си дека ќе одвоите повеќе време за најблиските и придржувајте се до ветеното. Тоа се луѓето кои ви мислат најдобро и луѓето на кои најмногу им требате. Не дозволувајте да се почувствуваат занемарени.
Оставете ги лошите навики
Ако имате некаква лоша навика, одлично време е да се “простите“ од неа засекогаш. Бидете ментално силни, и не ги правете истите грешки и следната година.
Повеќе комуникација
Доколку сте изгубиле контакт со некои стари пријатели, обновете го. Јавете им се, закажете средба, потсетете се на заедничките убави моменти. Колку повеќе комуницирате со луѓето толку подобро ќе се чувствувате. Во меѓувреме секогаш можете да запознаете и нови пријатели од кои ќе научите и нови работи што ќе го збогатат вашиот живот.
